Landsliðsmaðurinn Leo Anthony Speight úr Björk vann silfurverðlaun í gær á alþjóðlegu stigamóti World Taekwondo í Riga í Lettlandi.
Þetta eru stærstu verðlaun sem íslenskur karl keppandi hefur náð síðan 2009 þegar Björn Þorleifsson, einnig úr Björk fékk silfurverðlaun á British Open.
Leo Anhony Speight keppir í -68 Senior flokki.

Leo keppti fyrst á móti finnskum keppanda og sigraði hann örugglega 2-0. Næst keppti hann við króatískan keppanda og og sigraði Leo þar 2-1 og hann kominn í undanúrslit og öruggur með brons.
Í undanúrslitunum keppti Leo á móti Dana sem er bronsverðlaunahafi síðasta Evrópumóts. Leo gerði sér lítið fyrir og sigraði hann 2-0.

Úrslitum lauk með jafntefli, 5-5 en Belganum var dæmdur sigur á betri tækni.