Í gildi er samningur um beitarhólf fyrir sauðfé úr Grindavík og Vogum í Krýsuvík.
Áður höfðu hafnfirskir frístundabændur einnig aðgang að beitarhólfi þar en nú er ekkert sauðfé lengur í Hafnarfirði.
Umhverfis- og framkvæmdaráð tók málið fyrir á fundi sínum í dag og „telur ekki ástæðu til að vera aðilar að beitarhólfi fyrir sauðfé og leggur til við Vegagerðina að afmörkun þess verði breytt í samræmi við sveitarfélagsmörk“.
Engar nánari skýringar mátti lesa í fundargerðinni og engin fylgigögn birt.
Beitarhólfið nær m.a. yfir svæðið í kringum Bæjarfell þ.m.t. Krýsuvíkurkirkju.
Fjáreigandafélag Hafnarfjarðar, Garðabæjar og nágrennis hefur haft afnot af 1250 ha
beitarhólfi sunnan Suðurstrandarvegar.
Beitarhólf Grindavikur sem skilgreint er í aðalskipulagi sem landbúnaðarsvæði nær inn
í Krýsuvík að vestanverðu.
