- Bikarkeppni FRÍ fer fram í Kaplakrika í Hafnarfirði nú á laugardaginn. Í fyrra sigraði FH heildar stigakeppnina eftir harða baráttu við ÍR en þá hlaut FH 149 stig en ÍR 136 stig. FH sigraði þá einnig stigakeppnina í karla-og kvennaflokki.
Sex lið skráð til leiks í ár:
- Breiðablik
- Fjölelding
- FH
- ÍR
- HSK
- Ármann
Fremsta frjálsíþróttafólk landsins mun taka þátt á mótinu og má búast við hörkukeppni í ýmsum greinum.
- Ná Björgvin Brynjarsson Breiðabliki og Ívar Kristinn Jasonarson ÍR að veita Íslandsmeistaranum Ara Braga Kárasyni FH keppni í 100 m karla?
- Arna Stefanía Guðmundsdóttir FH keppir í 100 m grindahlaupi og 400 m hlaupi.
- Hörkukeppni verður í spjótkasti karla en þar eru þeir Örn Davíðsson FH. Sindri Hrafn Guðmundsson Breiðabliki og Guðmundur Sverrisson ÍR skráðir til leiks.
- Ívar Kristinn Jasonarson ÍR og Kormákur Ari Hafliðason FH munu berjast um sigur í 400 m hlaupi karla.
- Þorsteinn Ingvarsson ÍR og Kristinn Torfason FH berjast sín á milli í þrístökki karla.
Mótið stendur yfir frá kl. 13-15 en keppt er í mörgum greinum og því um mjög áhorfendavænt mót að ræða.
Hér er hægt að sjá kepnnisgreinar mótsins.
