FH sigraði þrefalt í 57. bikarkeppni FRÍ sem fram fór á Kópavogsvelli 17. ágúst.
Sigraði A-lið FH með 166 stigum en liðið sigraði bæði í karla- og kvennakeppninni og því einnig samanlagt.
Í öðru sæti var lið ÍR með 152 stig og í þriðja sæti var lið HSK/Selfoss með 108 stig.
Lokastaðan i kvennakeppninni
- FH-A: 84 stig
- ÍR: 74 stig
- Fjölnir/UMSS: 56 stig
- HSK/Selfoss: 54 stig
- UFA: 40 stig
- Breiðablik: 38 stig
- FH-B: 37 stig
Lokastaðan í karlakeppinni
- FH-A: 82 stig
- ÍR: 78 stig
- Breiðablik: 65 stig
- UFA: 55 stig
- HSK/Selfoss: 54 stig
- Ármann: 51 stig
- Fjölnir/UMSS : 42 stig
- FH-B: 33 stig
Aldursflokkamet og mótsmet
Hera Christensen, FH, bætti eigið aldursflokkamet í flokki stúlkna 18-19 ára og mótsmet í kringlukasti í dag er hún kastaði 52,67 m. Fyrra mótsmet átti Kristín Karlsdóttir einnig úr FH, frá árinu 2023 og var það 51,56 m.
Irma Gunnarsdóttir, FH, bætti mótsmetið í langstökki kvenna er hún stökk 6,29 m. Fyrra mótsmetið átti Jóhanna Ingadóttir, ÍR, frá árinu 2009 og var það 5,89.
Erna Sóley Gunnarsdóttir, ÍR, bætti eigið mótsmet er hún kastaði 16,66 m. Fyrra met hennar var frá árinu 2019 og var það 14,85 m.
Bryndís Embla Einarsdóttir, HSK/Selfoss, bætti eigið aldursflokkamet í flokki stúlkna 15 ára með 600 gr. spjóti í dag er hún kastaði 44,75 m. Fyrra met hennar var 44,61 m.
FH með alla 12 titla sem í boði var í ár
Með þessum titlum hefur FH náð öllum þeim 12 titlum félagsliða sem í boði voru í bikarkeppnum og meistaramótum í ár. Lék FH sama leikinn í fyrra.
Af öðrum FH-ingum má nefna að Arndís Diljá sigraði sína grein með bætingu er hún kastaði 49,28 m í spjótkasti. Ungu mennirnir voru að bæta sig, Kári Ófeigsson stökk 1,85 m í hástökki, Bjarki Fannar hljóp á 9:48,67 mínútum í 3.000 m hlaupi og Kári Nagamy hljóp á 53,60 sekúndum í 400 m hlaupi.
Öll úrslit mótsins má sjá hér
