Íslandsmót unglinga í badminton fór fram í TBR húsinu helgina 14.-16. apríl sl.
Badmintonfélag Hafnarfjarðar, BH, átti 50 keppendur á mótinu. Hafnfirðingarnir stóðu sig vel, komu með sex Íslandsmeistaratitla og 21 silfurverðlaun heim í Strandgötuna.
Gabríel Ingi Helgason náði þeim frábæra árangri að sigra þrefalt í U19 flokknum á mótinu sem er mikið afrek. Auk þess að sigra í einliðaleik vann hann tvíliðaleikinn með Kristiani Óskari Sveinbjörnssyni sem einnig er í BH og tvenndarleikinn með Maríu Rún Ellertsdóttur úr ÍA.
Katla Sól Arnarsdóttir sigraði tvöfalt í U15 flokknum, í einliðaleik og tvíliðaleik ásamt Emmu Katrínu Helgadóttur úr Tindastól. Hún vann einnig silfurverðlaun í tvenndarleik ásamt Rúnari Gauta Kristjánssyni úr BH.
Silfurverðlaunahafar BH á mótinu voru auk ofantalinna;
- Kristín Eldey Steingrímsdóttir, U11,
- Matthildur Thea Helgadóttir, U13,
- Laufey Lára Haraldsdóttir, U13,
- Hákon Kemp, U13,
- Lúðvík Kemp, U13,
- Gísli Fannar Dagsson, U15,
- Björn Ágúst Ólafsson, U15,
- Snædís Sól Ingimundardóttir, U17, Lena Rut Gígja, U17,
- Halla Stella Sveinbjörnsdóttir, U17,
- Stefán Logi Friðriksson, U17,
- Mikael Bjarki Ómarsson, U19,
- Stefán Steinar Guðlaugsson, U19,
- Guðmundur Adam Gígja, U19
- Jón Sverrir Árnason, U19.
Ljósmyndir: BH
