Meistaramót Íslands í badminton var haldið í Íþróttahúsinu við Strandgötu 26.-29. apríl sl. þar sem keppt var um Íslandsmeistaratitla í fullorðinsflokkum.
Sögulegur árangur náðist á mótinu en Gerda Voitechovskaja sigraði í einliðaleik kvenna í úrvalsdeild og er þetta í fyrsta sinn sem leikmaður BH sigrar í einliðaleik í efsta flokki.
BH-ingurinn Erla Björg Hafsteinsdóttir hefur unnið fjóra Íslandsmeistaratitla fyrir félagið, þrjá í tvíliðaleik 2009, 2014 og 2019 og einn í tvenndarleik árið 2018.
Til keppni voru skráðir 132 leikmenn, þar af 41 frá BH. Átta Íslandsmeistaratitlar komu í hlut BH-inga og 12 silfurverðlaun.
Katla Sól Arnarsdóttir náði þeim frábæra árangri að sigra tvöfalt, í 1. deild, bæði í einliða- og tvíliðaleik.
Íslandsmeistarar BH í fullorðinsflokkum
- Gerda Voitechovskaja, einliðaleikur kvenna í úrvalsdeild
- Katla Sól Arnarsdóttir, einliða- og tvíliðaleikur kvenna í 1. deild
- Anna Lilja Sigurðardóttir, tvíliðaleikur kvenna í 1. deild
- Jón Víðir Heiðarsson, tvíliðaleikur karla í 2. deild
- Jón Sverrir Árnason, tvíliðaleikur karla í 2. deild
- Lena Rut Gígja, tvíliðaleikur kvenna í 2. deild
- Elín Helga Einarsdóttir, tvíliðaleikur kvenna í 2. deild
Silfurverðlaunahafar BH í fullorðinsflokkum
- Sólrún Anna Ingvarsdóttir, tvíliðaleikur kvenna í úrvalsdeild
- Una Hrund Örvar, tvíliðaleikur kvenna í úrvalsdeild
- Natalía Ósk Óðinsdóttir, einliðaleikur kvenna í 1. deild
- Ólafur Örn Guðmundsson, einliðaleikur karla í 1. deild
- Lena Rut Gígja, einliðaleikur kvenna í 2. deild
- Elín Ósk Traustadóttir, tvíliðaleikur kvenna í 2. deild
- Hrafn Örlygsson, einliða- og tvíliðaleikur karla í 2. deild
- Kári Þórðarson, tvíliðaleikur karla í 2. deild
- Jón Víðir Heiðarsson, tvenndarleikur í 2. deild
- Erla Rós Heiðarsdóttir, tvíliða- og tvenndarleikur í 2. deild
Badmintonsamband Íslands hélt mótið í samstarfi við Badmintonfélag Hafnarfjarðar og gekk það mjög vel. Fengu mótshaldarar mikið hrós fyrir glæsilega umgjörð í Strandgötu.
