Góður árangur Hafnfirðinga í Laugavegshlaupinu

Stór hópur Hafnfirðinga tók þátt í Laugavegs ultra maraþoninu í gær. Stærsti hópurinn var úr hlaupahóp FH en einnig var hópur frá Skokkhópi Hauka og fólk í öðrum félögum.

Bestum árangri náði Sigurjón Sigurbjörnsson sem keppir með ÍR, hann setti aldursflokkamet í flokki 60-69 ára karla. Hljóp Sigurjón á 5,21.01 klst. sem dugði honum til 13. sætis í hlaupinu.

Hjötur Pálmi Jónsson úr Hlaupahópi FH náði næst bestum árangri Hafnfirðinga, endaði í 17. sæti á 5,30.11 klst. í sínu fyrsta Laugavegshlaupi. Hann keppti í flokki 40-49 ára.

Búi Steinn Kárason úr FH náði þriðja besta árangri Hafnfirðinga, hjóp á 5,34.25 klst. Hann keppti í flokki 18-29 ára.

Af konunum varð Þórdís Jóna Hrafnkelsdóttir, Hlaupahópi FH, fyrst á 5,53.25 klst. og varð fyrst í sínum aldursflokki, 50-59 ára konur. Hún bætti tíma sinn frá 2013 um 34 mínútur.

Þorbjörg Ósk Pétursdóttir úr Hlaupahópi FH, náði þriðja besta tíma hafnfirskra kvenna, 6,09.13 en hún keppir í flokki 40-49 ára og varð þriðja í sínum aldursflokki

Þriðja besta árangri hafnfirskra kvenna náði svo Bryndís María Davíðsdóttir úr Hlaupahópi FH sem hlóp á 6,20.19 klst. en hún keppir í klokki 40-49 ára.

408 keppendur luku keppni, þar af 187 Íslendingar. Fjölmargir þurftu að hætta keppni vegna meiðsla eða álags auk ca 40 sem ekki fengu að halda áfram þar sem þeir náðu ekki tímamörkum á viðmiðunarstöðum. Þrír keppendur úr Hlaupahópi FH þurfti að hætta keppni og einn eftir aðeins um 8 km hlaup. Var talið að konan væri handleggsbrotin en hafði líklega farið illa úr lið.

Aðstæður voru glæsilegar, veðrið gott og allir komu stoltir í mark.

Annars var árangur Hafnfirðinganna eftirfarandi: (gæti vantað einhverja)

Ummæli

Ummæli