Fjórar stúlkur úr Haukum og ein úr FH leika með landsliði Íslands á heimsmeistaramóti landsliða 20 ára og yngri leikmanna.
FH-ingurinn Árni Stefán Guðjónsson er annar þjálfara liðsins.
Mótið fer fram í Skopje í Norður Makedóníu og því líkur á sunnudag.
Íslenska landsliðið keppti í milliriðli 4 með Portúgal, Svartfjallalandi og N-Makedóníu, vann Svartfjallaland 35-27 en tapaði fyrir Portúgal með minnsta mun, 25-26. Ísland tók með sér 2 stig úr riðlakeppninni og endaði í 2. sæti með 4 stig og tryggði sér sæti í átta liða úrslit.
Svekkjandi tap fyrir Evrópumeisturunum
Í átta liða úrslitum í gær lék Ísland við Ungverjaland og var Ungverjaland yfir í hálfleik 19-12. En íslensku stelpurnar komu sterkar í seinni hálfleikinn og jöfnuðu í 29-29 rétt undir lok venjulegs leiktíma og því þurfti að framlengja. Þar urðu íslensku stúlkurnar að játa sig sigraða 31-34.
Elín Klara Þorkelsdóttir úr Haukum var næst markahæst með 6 mörk, Inga Dís Jóhannsdóttir úr Haukum skoraði 5 mörk og Brynja Katrín úr FH og Sonja Lind Sigsteinsdóttir úr Haukum skorðuðu 2 mörk hvor.
Í dag leika Holland við Ungverjaland í undanúrslitum og Frakkland við Danmörku en Íslenska liðið keppir um sæti fimm til átta. Leikur íslenska liðið við lið Svíþjóðar og Sviss keppir við lið Portúgal.
Sigurliðin leika svo á sunnudag um fimmta sætið.
Í samtali við handbolta.is segir Árni Stefán landslið Íslands og Svía hafi ekki mæst síðan á HM fyrir tveimur árum þegar Ísland vann að margra mati óvænta sigur í upphafsleik mótsins. „Það sem við höfum séð af þeim núna er að um er að ræða hörkulið og auðvitað er alltaf er möguleiki. Við förum brött í leikinn því auðvitað væri að frábær árangur að leika um fimmta til sjötta sæti á heimsmeistaramóti,“ segir Árni Stefán í samtali við handbolta.is.
U20 ára landslið kvenna sem tekur þátt í HM 19. – 30. júní:
- Brynja Katrín Benediktsdóttir, FH
- Elín Klara Þorkelsdóttir, Haukum
- Inga Dís Jóhannsdóttir, Haukum
- Rakel Oddný Guðmundsdóttir, Haukum
- Sonja Lind Sigsteinsdóttir, Haukum
- Alfa Brá Oddsdóttir Hagalín, Fram
- Anna Karólína Ingadóttir, Grótta
- Elínborg Katla Þorbjörnsdóttir, Selfossi
- Elísa Elíasdóttir, ÍBV
- Embla Steindórsdóttir, Stjörnunni
- Ethel Gyða Bjarnasen, Fram
- Hildur Lilja Jónsdóttir, Aftureldingu
- Katrín Anna Ásmundsdóttir, Gróttu
- Lilja Ágústsdóttir, Val
- Sylvía Sigríður Jónsdóttir, ÍR
- Tinna Sigurrós Traustadóttir, Selfossi
