Haukar höfðu aðeins tapað einum leik í úrvalsdeild karla þegar kom að viðureign bæjarfélaganna FH og Hauka en leikið var í Kaplakrika kl. 20 sl. laugardagskvöld.
Um 1.240 áhorfendur lögðu leið í sína í Kaplakrika til að fylgjast með leiknum en um 1.000 manns hefðu getað verið í Kaplakrika til viðbótar.
Haukar höfðu aðeins tapað fyrir Stjörnunni í desember, 24-31 og gert þrjú jafntefli, við ÍBV, ÍR og FH en Haukar höfðu ekki unnið FH síðan í september 2016.
Það átti ekki fyrir Haukum að rjúfa sigurgöngu FH því FH-ingar voru sterkari í leiknum og leiddu 16-15 í hálfleik. Síðan tók við sterkur kafli hjá FH og komst liðið í 7 marka forskot 23-16 en Haukar klóruðu í bakkann og FH sigraði með þriggja marka mun 31-28.
Phil Döhler varði 17 skot í marki FH og Einar Rafn Eiðsson var markahæstur með 6 mörk en þeir Ásbjörn Friðriksson, Jóhann Birgir Ingvarsson og Egill Magnússon skoruðu 5 mörk hver.
Hjá Haukum var Orri Freyr Þorkelsson markahæstur með 8 mörk, Tjörvi Þorgeirsson skoraði 5 mörk og Adam Haukur Baumruk, Brynjólfur Snær Brynjólfsson og Vignir Svavarsson skoruðu 4 mörk hver.
FH færði sig upp í 5. sæti með 20 stig en Haukar eru áfram á toppnum með 25 stig þegar 16 umferðir eru eftir af 22.
