Hafnfirðingar sem aðrir sátu spenntir og fylgdust með leikjum Íslands á EM í handbolta. Við Hafnfirðingar eigum þar góða fulltrúa í landsliðinu sem við getum öll verið stolt af.
Halldór Halldórsson var einn þessara áhugasömu og sendi Fjarðarfréttum þessar skemmtilegu línur:
„Ég, ef mig skyldi kalla, vil þegar fá að þakka handboltalandsliðinu fyrir árangurinn á EM. Ég bjóst við, satt að segja, að þeir myndu fljúga heim eftir þrjá leiki! Og bara svo það sé á hreinu, þá er það ekkert erfitt fyrir Haukamann að vera stoltur af öðrum íþróttamönnum í Hafnarfirði! Svo talar Gummi þjálfari líka alltaf um „drengina“ sína í landsliðinu!
Sækinn mjög í mörk hann er
makalaus og slyngur,
öðrum „drengjum“ af hann ber;
Aron Hafnfirðingur!
Kveðja, Halldór Haukamaður.“
