316 manns hlupu samtals 1.580 km á stígum Hafnarfjarðar

Metþátttaka var í fyrsta hlaupinu í hlauparöð FH og Bose 2018 sem fram fór í miðbæ Hafnarfjarðar í gærkvöldi. Alls luku 316 hlauparar keppni en keppendur komu víðsvegar að úr hinum ýmsu hlaupahópum.

Vel var að hlaupinu staðið og umgjörðin hin glæsilegasta, hvetjandi tónlist ómaði í upphafi og í lok hlaupsins, „hérar“ hlupu og aðstoðuðu fólk við að ná ákveðnum hraða og brautarvarsla var á leiðinni sem lá frá Strandstígnum á móts við Íþróttahúsið við Strandgötu og út á Herjólfsgötu og Herjólfsbraut að Heiðvangi þar sem snúið var við og hlaupið til baka. Leiðin var snjólaus en örlítið hál á Norðurbakkanum og hlauparar ánægðir.

Hlauparar voru á öllum aldri, yngsti keppandinn var 9 ára og sá elsti 74 ára. Var meðalaldur hlauparanna 40 ára, 169 konur og 147 karlar.

Arnar Pétursson úr ÍR sigraði á 15:58 mínútum, Þórólfur Ingi Þórsson úr ÍR varð annar á 16:59 mínútum og Ingvar Hjartarson úr Fjölni varð 3. á 17:08 mínútum.

Fyrst kvenna og 10. í hlaupinu var Elín Edda Sigurðardóttir úr ÍR á 18:25 mínútum, Helga Guðný Elíasdóttir úr Fjölni varð önnur á 19:10 mínútum og Agnes Kristjánsdóttir úr Hlaupahópi Stjörnunnar varð þriðja á 19:36 mínútum.

Öll úrslit má nálgast hér.

Myndir

Fjölmargar myndir frá hlaupinu má sjá hér.

Facebook síða hlaupsins.

Úrslit í aldursflokkum

(aldur m.v. fæðingarár):

Ummæli

Ummæli