Frjálsíþróttakonan Ingeborg Eide sigraði í kúluvarpi í flokki F37 á Opna franska meistaramótinu í frjálsum í París en það er síðasta stórmótið í frjálsum fyrir Paralympics sem fara líka fram í París í ágúst- og septembermánuði næstkomandi.
Sigraði Ingeborg með 9,46 metra kasti en Íslandsmetið hennar í greininni er 9,83 metrar sem hún setti í Jesolo á Ítalíu fyrr á þessu ári.
Þar með hefur Ingeborg kastað nokkrum sinnum yfir svokölluð „high performance“ markmiði fyrir Paralympics og þar með gert sig mjög líklega til þess að öðlast sæti á Paralympics.
Alþjóða Ólympíuhreyfing fatlaðra (IPC) mun fyrir júnílok tilkynna um þá sem öðlast þátttökurétt í frjálsum á Paralympics.
Ingborg keppir fyrir Ármann og hefur gert frá 2016 en keppt einnig fyrir ÍFR og FH frá 2008-2013.
Heimild: Hvati
