Sundfélag Hafnarfjarðar tvöfaldur bikarmeistari í sundi

Sundfélag Hafnarfjarðar varð um helgina bikarmeistari í sundi, bæði í karla- og kvenna­flokki, þriðja árið í röð.

Mótið fór fram í Vatnaveröld í Reykja­nesbæ 27.-28. septem­ber.
Í bikarkeppninni eru stig veitt samkvæmt gildandi stiga­töflu FINA. Stigahæsta kvenna­lið og stigahæsta karla­lið í 1. deild hljóta sæmdarheitið bikarmeistari Íslands í sundi í kvenna- og karlaflokkum og gripi þá sem keppt er um. Einnig er það lið sem hreppir 2. sætið í 1. deild verðlaunað. Á sama hátt eru tvö efstu liðin í 2. deild veðlaunuð. Veitt er viðurkenning til stigahæsta kvennaliðs og stigahæsta karla­liðs keppninnar í hverri deild.

SH sigraði líka í 2. deild

Í 2. deild varð Sundfélag Hafnar­fjarð­ar einnig efst í karla- og kvenna­flokki.
Stigastaða í lok móts var eftirfarandi:

1. deild karla

1. Sundfélag Hafnarfjarðar 14.859 stig
2. Sunddeild Breiðabliks 13.589 stig
3. Íþróttabandalag Reykjavíkur 13.347 stig
4. Íþróttabandalag Reykjanesbæjar 12.459 stig
5. Sundfélagið Ægir 9.127 stig
6. Sundfélag Akraness 9.003 stig

1. deild kvenna

1. Sundfélag Hafnarfjarðar 14.448 stig
2. Íþróttabandalag Reykjanesbæjar 14.011 stig
3. Sunddeild Breiðabliks 13.724 stig
4. Íþróttabandalag Reykjavíkur 13.197 stig
5. Sundfélag Akraness 9.743 stig
6. Sundfélagið Ægir 9.081 stig

2. deild kvenna

1. B – lið Sundfélags Hafnarfjarðar 11.587 stig
2. B – lið Íþróttabandalags Reykjavíkur 9.689 stig

2. deild karla

1. B – lið Sundfélags Hafnarfjarðar 12.372 stig
2. B – lið Íþróttabandalags Reykjavíkur 8.380 stig

Ekkert lið fellur í 2. deild þetta árið þar sem einungis B-lið voru skráð til leiks í 2. deild en þau geta ekki unnið sig upp milli deilda.

Glæsilegur árangur hjá þessu öfluga íþróttafélagi.

Ummæli

Ummæli