Náttúran getur verið skemmtileg. Hornstaur í girðingu um Skátalund við Hvaleyrarvatn er kominn til ára sinna og fúinn farinn að éta innan úr honum. Lauf og lífrænt efni hefur síðan fokið ofan í staurinn og sennilega hefur þröstur sest þar á eftir að hafa étið ber af reynivið.
Nú er farið að vaxa upp lítið reyniviðartré í staurnum og má því segja að staurinn sé að endurnýja sig sjálfur.
Ljósmynd: Guðni Gíslason.
