Við ætlum að taka þrjú skref í að minnka gjöld á börn hér í Hafnarfirði
Skref eitt:
-
- Koma á 100% systkinaafslætti m.v. núverandi gjaldskrá.
- Skref eitt tæki gildi 1. ágúst 2022.
Skref tvö:
-
- Gjaldfrjálsar skólamáltíðir í leik- og grunnskólum Hafnarfjarðar.
- Skref tvö tæki gildi 1. ágúst 2023
Skref þrjú:
-
- Gjaldfrjáls leikskóli fyrir öll börn í Hafnarfirði.
- Opnaður verði ungbarnaleikskóli sérsniðinn að þörfum ungra barna.
- Skref þrjú tæki gildi ekki seinna en 1. ágúst 2024
Fyrsta skrefið tæki gildi strax 1. ágúst n.k. Þar erum við að létta verulega á útgjöldum hjá þeim foreldrum sem eiga fleiri en eitt barn í leik- og grunnskólum Hafnarfjarðar.
Skref tvö er mjög þýðingarmikið þar sem skólamáltíðir eiga að standa öllum börnum til boða, óháð fjárhagsstöðu foreldra.
Skref þrjú er stærsta skrefið í þessari áætlun, leikskólinn er fyrsta skrefið í skólagöngu barna og með niðurfellingu leikskólagjalda er Hafnarfjarðarbær að viðurkenna leikskólann sem fyrsta skólaskref barna og hrósa því faglega starfi sem fram fer á leikskólum, þar sem öll börn eiga rétt á grunnmenntun án endurgjalds.
Reisa þarf ungbarnaleikskóla því foreldrar ungra barna, sem ekki eru komin með leikskólavist eftir að fæðingarorlofi lýkur geta ekki snúið aftur út á vinnumarkaðinn eins og samfélagsgerð okkar ætlast til af foreldrum. Flestir foreldrar þekkja þetta tímabil mjög vel.
Með þessum þremur skrefum erum við að taka stórt skref í átt að fjölskylduvænna samfélagi.
Góð leið fyrir þig.
Björn Páll Fálki Valsson
Skipar 4. sæti á lista Miðflokksins og óháðra í Hafnarfirði
