Þema Ratleiks Hafnarfjarðar í ár er „þjóðsögur og ævintýri“

Ratleikur Hafnarfjarðar er nú hafinn í 27. sinn.

Markmiðið með leikn­um er að hvetja til útivistar og náttúru­skoðunar í fjöl­breyttu upplandi Hafnarfjarðar og um leið að vekja athygli á þeim fjöl­mörgu perlum sem leynast í okkar næsta nágrenni.

Vinsældir leiksins aukast með hverju árinu og einstaklingar, vinahópar og fjölskyldur keppast við að finna ratleiksmerkin 27 sem staðsett eru víðs vegar í bæjarlandinu.

Ómar Smári Ármannsson, fornleifa­fræðingur, sem heldur úti fróðleiks­vefnum ferlir.is, hefur tekið saman skemmtilegt efni um hvern og einn ratleiksstaðinn og það má því segja að í ár sé sagnaleikur í gangi og myrkfælnir eru hvattir til að klára leikinn áður en fera að dimma í haust.

Fróðleikur um staðina er á kortinu en viðbótarupplýsingar fyrir hvern stað má finna á vefsíðu leiksins.

Þó nokkur merki eru innanbæjar eða örstutt frá byggð og því ættu allir að geta tekið þátt.

Frítt ratleikskort

Ratleikskortin má fá án endurgjalds m.a. á eftirtöldum stöðum:

• Fjarðarkaupum
• Bókasafni Hafnarfjarðar
• Ráðhúsinu
• Bensínstöðvum N1
• Suðurbæjarlaug
• Ásvallalaug
• Sundhöll Hafnarfjarðar

Ratleikur í allt sumar

Leikurinn stendur til 24. september svo nægur tími er til stefnu og þátttakendur eru hvattir til að gefa sér góðan tíma og skoða vel umhverfið á leiðinni.

Til að skila inn lausnum þarf minnst að vera búið að finna 9 merki en dregið er úr öllum innsendum lausnum og fjöldi vinninga í boði.

1. Léttfeti: 9 merki
2. Göngugarpur: 18 merki
3. Þrautakóngur: 27 merki

Fjölmargir vinningar

Veittir eru þrír vinningar í hverjum flokki og á uppskeruhátíðinni verða veittir fjölmargir útdráttarvinningar en aðeins þeir sem mæta á hátíðina eiga möguleika á þeim vinningum.

Fjölmargir hafa styrkt leikinn með því að gefa vinninga: Fjallakofinn, Sundlaugar Hafnarfjarðar, Elín.is, Von mathús, Altis, Rif, Gróðrarstöðin Þöll, Napoli, American Style, Tilveran, Ban Kúnn, Krydd, Kebab Firði, Snjíís, Gormur.is og Músik og sport.

Í samstarfi við Heilsu­bæinn Hafnarfjörð

Leikurinn er gefinn út af Hönn­unar­húsinu ehf. í samstarfi við heilsu­bæinn Hafnarfjörð síðan árið 2006. Guðni Gíslason, eigandi Hönnunar­hússins og skáti, leggur leikinn í 17. sinn en leikurinn er að koma út í 27. sinn.

Aðalstyrktaraðili

Rio Tinto á Íslandi er aðalstyrktaraðili leiksins í ár en auk þeirra sem gefa vinninga hafa eftirtaldir styrkt leikinn: HS veitur, Landsnet, H-Berg, Altis, Gormur.is, Fjarðarkaup, Gróðrarstöðin Þöll og Coda Terminal.

Samskiptavefur þátttakenda

Þeir sem taka þátt í leiknum er boðið að vera í Facebook hópnum Ratleikur Hafnarfjarðar – Þátttakendur þar sem fólk getur skipst á skoðunum og spurt aðra þátttakendur ráða.
Munið að birta ALDREI myndir af ratleiksmerkjunum svo lausnarorðin sjáist!

Sjá nánar á vefsíðu Ratleiks Hafnarfjarðar þar sem einnig má finna Litla Ratleikinn og Ratleik Hvaleyrarvatni.

Ummæli

Ummæli